ആദ്യവാരം
ബിഎഡ് കോഴ്സിന്റെ ഭാഗമായിട്ടുള്ള രണ്ടാംഘട്ട ടീച്ചിംഗ് പ്രാക്ടീസ് 7/11/2018 ബുധനാഴ്ച ആരംഭിച്ചു. ജി വി എച്ച് എസ് എസ് വിതുര സ്കൂളാണ് ഞാൻ ടീച്ചിങ് പ്രാക്ടീസിനായി തിരഞ്ഞെടുത്തത്.തുടക്ക ദിവസം വളരെ നേരത്തെ സ്കൂളിലെത്താൻ കഴിഞ്ഞു. ഇപ്രാവശ്യത്തെ പാലോട് സബ്ജില്ലാ കലോത്സവം വിതുര സ്കൂളിൽ വച്ചായിരുന്നു.നമ്മൾ എത്തിയ ബുധനാഴ്ച കലോത്സവത്തിന്റ അവസാന ദിവസമായിരുന്നു.ആയതിനാൽ കലോത്സവ തിരക്കിലായിരുന്ന മറ്റു അധ്യാപകരെ സഹായിക്കാൻ കഴിഞ്ഞു. എനിക്ക് ഷാഫി സാറിന്റെ 8b ക്ലാസും സന്ധ്യ ടീച്ചറിന്റെ 9b ക്ലാസുമാണ് ലഭിച്ചത്.വ്യാഴാഴ്ചക്ലാസ്സുകളിൽ പോയി കുട്ടികളെ പരിചയപ്പെടുകയും അതോടൊപ്പം സ്വയം പരിചയപ്പെടുത്തുകയും ചെയ്തു.വ്യാഴാഴ്ച പത്താംതരം തുല്യതാപരീക്ഷ തുടങ്ങുന്നതിനാൽ,ഉച്ചവരെ ക്ലാസ്സ് ഉണ്ടായിരുന്നുള്ളൂ.വെള്ളിയാഴ്ച സ്പെഷൽ അസംബ്ലി ഉണ്ടായിരുന്നു.പാലോട് സബ്ജില്ലാ കലാകായിക മത്സരങ്ങളിൽ ഓവറോൾ ചാമ്പ്യൻഷിപ്പ് നേടിയ വിതുര സ്കൂളിലെ വിദ്യാർത്ഥികളെജില്ലാപഞ്ചായത്ത് പ്രസിഡന്റ് അഭിനന്ദിച്ചു.വെള്ളിയാഴ്ച 9 ബി യിൽ,വൃത്തങ്ങളുടെ അളവുകൾ എന്ന പാഠഭാഗം പഠിപ്പിച്ചു തുടങ്ങി.ഈ പാഠഭാഗത്തിലെ ആമുഖമായികുറച്ചു കാര്യങ്ങൾ കുട്ടികൾക്ക് പഠിപ്പിച്ചു കൊടുക്കുകയും,വൃത്തങ്ങളെ കുറിച്ച് കുട്ടികൾക്ക് എന്തൊക്കെ അറിയാം എന്നും പരിശോധിച്ച് വെള്ളിയാഴ്ചത്തെ ടോപ്പിക് ക്രോഡീകരിച്ചു.വെള്ളിയാഴ്ച ഉച്ചയ്ക്ക് 10C വിദ്യാർത്ഥികളുടെ ഫുഡ്‌ ഫെസ്റ്റ് സ്കൂളിൽ ഉണ്ടായിരുന്നു .വിദ്യാർത്ഥികൾ കൊണ്ടുവന്ന വ്യത്യസ്തങ്ങളായ ആഹാരസാധനങ്ങൾ രുചിക്കുവാൻ കഴിഞ്ഞു.
